ലക്ഷങ്ങൾ വിലമതിക്കുന്ന കഞ്ചാവ് പിടികൂടിയത്

ലക്ഷങ്ങൾ വിലമതിക്കുന്ന കഞ്ചാവ് പിടികൂടിയത്

തൃശൂർ: കാറിലും ലോറിയിലുമായി കടത്തിക്കൊണ്ട് വന്ന 200 കിലോ കഞ്ചാവ് തൃശൂരിൽ പിടിച്ചെടുത്തു. കേരളത്തിലെ ചെറുകിട കച്ചവടക്കാർക്ക് വിതരണം ചെയ്യാനാണ് കഞ്ചാവ് എത്തിച്ചതെന്ന് പ്രതികൾ വ്യക്തമാക്കിയതായി പോലീസ് പറഞ്ഞു. വിശാഖപട്ടണത്ത് നിന്നും എത്തിച്ച കഞ്ചാവ് തമിഴ്നാട്ടിൽ എത്തിച്ച് കേരളത്തിലേക്ക് കൊണ്ടുവരുന്നതിനിടെയാണ് പ്രതികൾ പിടിയിലായത്. പ്രതികളിൽ നിന്നും കൂടുതൽ വിവരങ്ങൾ ശേഖരിക്കാനുള്ള ശ്രമത്തിലാണ് പോലീസ്. കൊവിഡ് നിയന്ത്രണങ്ങളുടെ ഭാഗമായി ലോക്ക്ഡൗൺ നിയന്ത്രണങ്ങൾ ശക്തമായിരുന്ന മാസങ്ങളിലും സംസ്ഥാനത്ത് കഞ്ചാവ് കടത്ത് സജീവമായിരുന്നു

കൊരട്ടി ദേശീയപാതയിലാണ് പോലീസ് ലക്ഷങ്ങൾ വിലമതിക്കുന്ന കഞ്ചാവ് പിടികൂടിയത്. സംഭവത്തിൽ തമിഴ്നാട് സ്വദേശിയടക്കം അഞ്ച് പേർ അറസ്റ്റിലായി. കാറും ലോറിയും പിടിച്ചെടുത്തു. ജോസ്, മണ്ണുത്തി സ്വദേശി സുബീഷ്, പഴയന്നൂർ സ്വദേശി മനീഷ്, തമിഴ്നാട് സ്വദേശി സുരേഷ്, താണിക്കുടം സ്വദേശി രാജീവ് എന്നിവരാണ് അറസ്റ്റിലായത്. ഇവരെ കോടതിയിൽ ഹാജരാക്കുമെന്ന് പോലീസ് വ്യക്തമാക്കി കൊരട്ടി ദേശീയ പാതയിൽ പോലീസ് നടത്തിയ പതിവ് വാഹനപരിശോധനയ്ക്കിടെയാണ് പ്രതികൾ പിടിയിലായത്. സംശയം തോന്നിയതോടെ കാറിലും ലോറിയിലും നടത്തിയ പരിശോധനയിലാണ് 200 കിലോ കഞ്ചാവ് പിടികൂടിയത്.

Leave a Reply

Your email address will not be published. Required fields are marked *